قبل السفر بشهر :
فاكر مصيف زمان ؟؟
يعنى التجهيزات قبل السفر بشهر، يعنى شهر من غير أي إزعاج للموجودين فى البيت وإلا هنسمع تهديد طيب مش هنروح المصيف السنة دى ؟!!مصيف زمان يعنى هنبدأ نحضر هدوم المصيف قبلها بأسبوع وإحساسك وأنت مستعد للسفر بكل طاقة وحيوية ومستنى يوم السفر بفارغ الصبر ...
 |
| Olympia Resorts |
بكره ..المصيف :
جهزت المايوه، والكوتشينة ؟؟
نفخت العوامة علشان تعمل بروفات للمصيف، اللى دايما كنا بنسمع بعدها جملة " إحنا مش هناخد العوامات منفوخة كده "
فاكر جملة نام بدرى هنمشي بعد الفجر على طول، وعمرنا ما مشينا فى معادنا ابدا .
سندوتشات الرحلة اللى دايما فينو وجنبة وبيض وفي نص الطريق ساندوتشات البانيه والكفتة، وأنت مستنى الطريق يخلص علشان تشوف البحر .
فاكر إحساسك أول ما توصل الشاليه وتفتح شنطة العربية وتنزل الشنط واول نظرة للبحر وأنت مستعجل انك تنزل البحر حالا قبل اى حاجة ...
 |
| اولمبيا راس سدر |
إحنا وصلنا ..دقوا الشماسى :
احساسك اول ما تشوف البحر وريحة البحر المنعشة وأنت بتدور على مكان الشمسية والمتعة اللى بتحسها اول ما رجلك تلمس المياه
فاكر سندوتشات البحر وبياع الفريسكا اللى كنت بتشترى منه كل يوم وأنت على الشاطىء .
فاكر لما كنت بتتخانق على مين هياخد العوامة ،وينزل البحر بيها والمصور بيصوركم صورة عائلية والبحر حواليكم .
 |
| Olympia Rsorts |
طيرى يا طيارة طيري :
فاكر لما :
كنت بتطير الطيارة على الشط وتنبسط انها عالية ، وأنت بتلعب على الشط و تبني بيت من الرمل .
ركوب العجل على البحر والهواء المنعش حواليك فى كل مكان، وأنت أساسي كل يوم تاكل أيس كريم .
فاكر لعبة الراكيت والكوتشينة وتنفيذ الأحكام والسهر للفجر وأنت مستنى اليوم الجديد علشان تنزل البحر تانى ...
 |
| Olympia Resorts |
الدنيا كلها شبابيك على البحر :
أول ما تشوف البحر طبعا بتفتكر فيروز وهى بتغنى شايف البحر شو كبير
طيب فاكر أول مرة اشتريت ألبوم مخصوص علشان تسمعه وأنت على البحر وفضلت طول أجازة المصيف مبتسمعش غيره.
فاكر أول مرة سمعت أغنية شبابيك لمحمد منير وأنت على البحر وكل مرة بتفتكر فيها الالبوم والاجازة دى....
ذكريات البحر والأجازة مبتنتهيش .... يا ترى ايه ذكرياتك مع مصيف زمان ؟؟؟
ليست هناك تعليقات:
إرسال تعليق